«Manchester Yunayted» tarkibni kuchaytirish ustida ish olib bormoqda. «Qizil iblislar»ning transfer maqsadi — «Tottenxem» sardori, markaziy himoyachi Kristian Romero.

Jurnalist Gaston Edulning ijtimoiy tarmoqlarda xabar berishicha, «Manchester Yunayted» 28 yoshli Romeroning transferi bo‘yicha taklif tayyorlamoqda. Nufuzli Transfermarkt portali mutaxassislari Kristian Romeroni 45 million yevroga baholashmoqda.

Ayni paytda himoyachi Argentina terma jamoasi ixtiyorida bo‘lib, jahon chempionatiga tayyorgarlik ko‘rmoqda. «Manchester Yunayted» esa kelasi mavsumda Angliya nomidan Chempionlar ligasida ishtirok etadi.