Англия терма жамоасининг қанот ҳимоячиси Жед Спенс жағ суяги синганидан кейинги ҳолати ҳақидаги саволга жавоб берди. «Тоттенхэм» футболчиси ушбу жароҳатни 19 май куни «Челси»га қарши кечган баҳсда рақиб билан тўқнашиб кетганда олган эди.
Шифокорлар томонидан синиш ташхиси қўйилганига қарамай, Спенс Англия терма жамоасининг 2026 йилги Жаҳон чемпионати учун қайдномасига киритилди. У мусобақада махсус ниқобда ҳаракат қилади.
«Бу жуда даҳшатли тўқнашув эди. Оғриқ кучли бўлди, лекин хайриятки, мен футболни жағим билан эмас, оёқларим билан ўйнайман. Шу болатда ҳаммаси жойида. Бироз ноқулайлик бор, албатта, лекин илож қанча», — дея Спенснинг сўзларидан иқтибос келтирмоқда The Guardian нашри.
Англияликлар мундиални 17 июнь куни Хорватияга қарши ўйин билан бошлашади, шундан сўнг Гана ва Панама терма жамоаларига қарши баҳс олиб боришади.
