«Рома»нинг украиналик ҳужумчиси Артём Довбик «Вильярреал»нинг қизиқишлар доирасига тушиб қолди. Бу ҳақда Roma Press хабар берди.
Манбанинг хабар беришича, «Сариқ сув ости кемаси» янги мавсум олдидан ҳужум чизиғини кучайтириш мақсадида 28 ёшли футболчининг трансферидан манфаатдор. Шунингдек, Рим клуби украиналик футболчини «Трабзонспор»га сотиш вариантини ҳам кўриб чиқмоқда.
Таъкидлаш жоизки, Довбик 2023/24 йилги мавсумда «Жирона» шарафини ҳимоя қилиб, Ла Лигада ўйнаш тажрибасига эга бўлган.
Аввалроқ Довбик «Рома»ни тарк этишга тайёр экани ҳақида хабар берилганди, чунки у жамоа бош мураббийи Жан Пьеро Гасперинининг режаларига кирмайди.













