«Барселона» клуби «Реал Мадрид»нинг «Атлетико» ҳужумчиси Хулиан Альварес учун қилган таклифига муносабат билдирди, деб хабар бермоқда Sport.es нашри.

Аввалроқ «Реал» аргентиналик форвард учун расман 150 миллион евро таклиф қилганини эълон қилган эди, бироқ «Атлетико» футболчининг шартномасидаги товон пули 500 миллион евро эканлигини эслатиб, бу таклифни рад этди.

Манбанинг хабарига кўра, Каталония клуби «Реал» президенти Флорентино Переснинг бу ҳаракатларини бўлажак келишувга халақит бериш ва Альварес атрофидаги вазиятда қўшимча босим ўтказишга уриниш деб ҳисобламоқда.

Қайд этилишича, «Барселона» президенти Жоан Лапорта музокараларда шахсан иштирок этмоқда ва футболчининг агенти Фернандо Идальго билан суҳбатлашган. Ўйинчининг вакили Лапортани агар Альварес «Атлетико»дан кетадиган бўлса, унинг учун асосий вариант айнан «Барселона» бўлиб қолишига ишонтирган.

Шунингдек, каталонияликлар ушбу трансфер учун ўз молиявий чегараларини белгилаб олишган. «Барселона» 120 миллион евро кафолатланган маблағ ва бонуслар таклиф қилишга тайёр. Келишув шартларига қараб, умумий сумма 130 миллион еврога яқинлашиши мумкин, аммо бундан ошиши қийин.