Мураббий Фернандо Торрес ўз шартномасини охиригача бажаради ва кейинги мавсумда ҳам Мадриднинг «Атлетико» захира жамоасини бошқаришда давом этади. Бу ҳақда Marca нашри хабир бермоқда.
«Атлетико Мадриленьо» учун мавсум Сегундага чиқиш ҳуқуқини берувчи плей-офф босқичида «Понферрадина»га қарши баҳсдаги мағлубият ва мусобақани тарк этиш билан якунланди.
Муваффақиятсизликка қарамай, «рохибланкос»нинг иккинчи таркиби жуда муносиб мавсумни ўтказди. Нафақат иккинчи жамоада, балки асосий таркиб ўйинларида ҳам иштирок этган кўплаб футболчиларда Ла Лига ва Сегунда клубларидан таклифлар бор ва улар катта эҳтимол билан шу ёзда жамоани тарк этишади. Энди Торреснинг олдида қийин, аммо қизиқарли вазифа — янги рақобатбардош жамоа шакллантириш турибди.
Ўтмишда Испания терма жамоаси ва бир қатор топ-клублардаги ўйинлари билан танилган Торресда Ла Лига ва Сегунда жамоаларини бошқариш бўйича таклифлар бўлган, бироқ у «Атлетико» тузилмасида қолишга қарор қилди. Клуб раҳбарияти унинг ишидан тўлиқ қониқиш ҳосил қилган, Торрес ва Диего Симеоне ўртасидаги муносабатлар эса аъло даражада деб баҳоланмоқда.
