Murabbiy Fernando Torres o‘z shartnomasini oxirigacha bajaradi va keyingi mavsumda ham Madridning «Atletiko» zaxira jamoasini boshqarishda davom etadi. Bu haqda Marca nashri xabir bermoqda.
«Atletiko Madrilenyo» uchun mavsum Segundaga chiqish huquqini beruvchi pley-off bosqichida «Ponferradina»ga qarshi bahsdagi mag‘lubiyat va musobaqani tark etish bilan yakunlandi.
Muvaffaqiyatsizlikka qaramay, «roxiblankos»ning ikkinchi tarkibi juda munosib mavsumni o‘tkazdi. Nafaqat ikkinchi jamoada, balki asosiy tarkib o‘yinlarida ham ishtirok etgan ko‘plab futbolchilarda La Liga va Segunda klublaridan takliflar bor va ular katta ehtimol bilan shu yozda jamoani tark etishadi. Endi Torresning oldida qiyin, ammo qiziqarli vazifa — yangi raqobatbardosh jamoa shakllantirish turibdi.
O‘tmishda Ispaniya terma jamoasi va bir qator top-klublardagi o‘yinlari bilan tanilgan Torresda La Liga va Segunda jamoalarini boshqarish bo‘yicha takliflar bo‘lgan, biroq u «Atletiko» tuzilmasida qolishga qaror qildi. Klub rahbariyati uning ishidan to‘liq qoniqish hosil qilgan, Torres va Diyego Simeone o‘rtasidagi munosabatlar esa a’lo darajada deb baholanmoqda.
