Аргентина терма жамоаси ҳужумчиси Лионель Месси миллий жамоа сафидаги 117-голини киритди. Бу Исландияга қарши ўртоқлик учрашувида (3:0) содир бўлди.

Месси учрашувнинг 72-дақиқасида пенальтини аниқ амалга ошириб, ҳисобни 2:0 кўринишига олиб келди. 38 ёшли аргентиналик футболчи учун бу миллий жамоа сафидаги 199-ўйинда урилган 117-гол бўлди.

Умуман олганда, Лионель Месси профессионал фаолияти давомида барча турнирларда 911 та гол муаллифи бўлди. У шулардан 672 тасини «Барселона», 32 тасини «ПСЖ», 90 тасини «Интер Майами» ва 117 тасини Аргентина терма жамоаси сафида киритган.

Аргентина терма жамоаси 2026 йилги жаҳон чемпионатида иштирок этади. Амалдаги жаҳон чемпионлари J гуруҳида Жазоир, Австрия ва Иордания терма жамоаларига қарши баҳс олиб боради.

Ўртоқлик учрашуви
10 июнь 2026 йил
Аргентина — Исландия — 3:0
Голлар: Валентин Барко, 8 (1:0), Лионель Месси, 72-пенальти (2:0), Тьяго Альмада, 87 (3:0).