Тез орада 2029 йилги Чемпионлар лигаси финали бўлиб ўтадиган стадион номи маълум бўлади. Ҳозирча ушбу баҳсга мезбонлик қилиш учун иккита стадион даъвогарлик қилмоқда: биринчиси — Лондоннинг «Уэмбли», иккинчиси эса Каталониянинг «Камп Ноу» аренасидир.
26 май куни Каталония автономияси Вазирлар Кенгаши Испания қироллик футбол федерациясининг сўровига биноан, таълим вазири Милагрос Толоннинг номзодликни илгари суриш ҳақидаги таклифини маъқуллади. Мезбон стадион бўйича якуний қарор шу йилнинг сентябрь ойида, Ижроия қўмитасининг навбатдаги йиғилишида қабул қилиниши кутилмоқда.
«Камп Ноу» ўз тарихида икки марта — 1989 ва 1999 йилларда Чемпионлар лигаси финалига мезбонлик қилган. Қизиғи шундаки, XXI асрда ушбу стадионда ҳали бирор марта ҳам ЕЧЛ финали ўтказилмаган.
