«Манчестер Сити» ҳимоячиси Йошко Гвардиол катта эҳтимол билан инглиз клубидаги фаолиятини давом эттиради ва янги шартнома имзолайди. Журналист Сэм Лининг берган маълумотларига кўра, томонлар ҳамкорликни узайтиришга жуда яқин туришибди.
Қайд этилишича, хорватиялик футболчи ўзини жамоада ҳам, шаҳарда ҳам жуда қулай ҳис қилмоқда, шу сабабли клубдан кетиш вариантларини умуман кўриб чиқмаяпти.
Гвардиол «Манчестер Сити» сафида 2023 йилнинг ёзидан буён тўп тепиб келмоқда. Хорватнинг амалдаги шартномаси 2028 йилгача мўлжалланган бўлиб, унинг трансфер қиймати 70 миллион еврога баҳоланмоқда. АПЛнинг якунланган мавсумида футболчи 18 та учрашувда майдонга тушиб, ўз ҳисобига 2 та гол ва 2 та голли узатмани ёздириб қўйган эди.
