Мадриднинг «Атлетико» клуби ёзги трансфер ойнасида марказий ҳимоячи Клеман Лангле билан хайрлашиши мумкин. Клуб француз футболчисини қўйиб юбормоқчи, бироқ футболчининг ўзи жамоадан кетиш ниятида эмас.
30 ёшли футболчининг шартномаси якунланишига ҳали икки йил бор. Агар унга жуда жозибали таклиф тушмаса, у яқин орада жамоасини ўзгартирмоқчи эмас.
Клеман Лангле бир йил олдин «Барселона»дан «Атлетико»га эркин агент мақомида ўтган эди. Якунланган мавсумда тажрибали ҳимоячи Диего Симеоне жамоаси сафинда барча турнирларда 24 та ўйинда майдонга тушиб, битта голли узатмани амалга оширди.
