АҚШ терма жамоаси бош мураббийи лавозимида ишлаётган аргентиналик мутахассис Маурисио Почеттино жамоасининг бўлажак Жаҳон чемпионати — 2026даги истиқболлари ҳақида фикр билдирди.
«Биз турнир мезбони ҳисобланамиз. Бу АҚШ терма жамоасига қўшимча энергия бағишлайди. Трибуналардаги мухлислар жамоани қўллаб-қувватлаб туришади. Нима учун биз турнирда ғолиб чиқмаслигимиз керак?» — дея мураббийнинг сўзларини келтиради Guardian.
Терма жамоалар ўртасидаги ушбу нуфузли турнир 11 июндан 19 июлгача АҚШ, Канада ва Мексикада бўлиб ўтади.
Жаҳон чемпионатининг гуруҳ босқичида Почеттино шогирдларига Туркия, Парагвай ва Австралия миллий терма жамоалари рақиблик қилади.
