«Барселона» футболчиси Рафинья Диас клуб даражасида Бразилия терма жамоасига қараганда анча ёрқинроқ ҳаракат қилишини инкор этмайди. 24 ёшли вингер бир неча йилдан бери дунёнинг энг яхши футболчиларидан бири ҳисобланса-да, миллий жамоада ҳозирча суперюлдуз мақомини мустаҳкамлай олгани йўқ.

«Барселона»да ўзимни терма жамоадагига қараганда анча яхши кўрсата олдим. Мен мунофиқ эмасман. Эндиги мақсадим — худди шу даражага бу ерда, Бразилияда ҳам эришиш. Агар одамлар мендан терма жамоада ҳам худди «Барса»дагидек ўйнашни талаб қилишаётган бўлса, буни мақтов сифатида қабул қиламан. Бу уларнинг менга ишонишини англатади», — дея Рафиньянинг сўзларини келтиради Barca Universal.

14 июнь куни бразилияликлар Жаҳон чемпионатидаги иштирокларини Марокашга қарши ўйин билан бошлашади.