Колумбия терма жамоаси футболчиси Хамес Родригес ватандоши Луис Диаснинг «Олтин тўп» учун кураша олиши ҳақидаги саволга жавоб берди.

29 ёшли футболчи «Бавария»даги дебют мавсумини ҳайратланарли даражада ўтказиб, жамоа таркибида Бундеслига ва Германия Кубоги ғолибига айланди, шунингдек, Чемпионлар лигасининг ярим финалигача етиб борди.

«Луис Диас «Олтин тўп»ни ютиши мумкинми? Нима учун йўқ? Менинг фикримча, у ҳозирги вақтда дунёнинг энг яхши бешта футболчисидан бири ҳисобланади. Агар биз Жаҳон чемпионатининг финалигача етиб борсак, у бемалол «Олтин тўп»ни қўлга киритиши мумкин», — дея журналист Фабрицио Романо Хамеснинг сўзларини келтиради.

Колумбия терма жамоаси гуруҳ босқичида Ўзбекистон, Португалия ва ДР Конго билан бир гуруҳда ўйнайди.