Вингер Брэдли Барколанинг “Пари Сен-Жермен”даги келажаги номаълумлигича қолмоқда. 23 ёшли футболчининг Париж гранди билан амалдаги шартномаси икки йилдан кейин якунига етади, шартномани узайтириш бўйича музокаралар эса чўзилмоқда.
L'Equipe нашрининг хабарига кўра, “ПСЖ” тез орада франциялик футболчини сотиб юбориш эҳтимолини инкор этмаяпти. Баркола муҳим ўйинларда асосий таркибда тез-тез майдонга тушишни истайди, бироқ жамоа унга бундай кафолатларни беришга тайёр эмас.
Ўйинчи ўз келажаги борасида бош мураббий Луис Энрике билан суҳбат ўтказиши кутилмоқда. Испаниялик мутахассис Брэдлини жамоада сақлаб қолмоқчи. “Лион” тарбияланувчисига “Ливерпуль” ва “Арсенал” клублари қизиқиш билдирмоқда.
