Vinger Bredli Barkolaning “Pari Sen-Jermen”dagi kelajagi noma’lumligicha qolmoqda. 23 yoshli futbolchining Parij grandi bilan amaldagi shartnomasi ikki yildan keyin yakuniga yetadi, shartnomani uzaytirish bo‘yicha muzokaralar esa cho‘zilmoqda.
L'Equipe nashrining xabariga ko‘ra, “PSJ” tez orada fransiyalik futbolchini sotib yuborish ehtimolini inkor etmayapti. Barkola muhim o‘yinlarda asosiy tarkibda tez-tez maydonga tushishni istaydi, biroq jamoa unga bunday kafolatlarni berishga tayyor emas.
O‘yinchi o‘z kelajagi borasida bosh murabbiy Luis Enrike bilan suhbat o‘tkazishi kutilmoqda. Ispaniyalik mutaxassis Bredlini jamoada saqlab qolmoqchi. “Lion” tarbiyalanuvchisiga “Liverpul” va “Arsenal” klublari qiziqish bildirmoqda.
