Франциялик ҳимоячи Тео Эрнандес Саудия Арабистонидаги фаолиятига қарамай, спорт формаси ва даражаси пасайиб кетмаганига жамоатчиликни ишонтирмоқда. Тео Эрнандес Италиянинг “Милан” клубидаги олти йиллик фаолиятидан сўнг, 2025 йилнинг ёзида ушбу мамлакатга кўчиб ўтган эди.
“Жисмоний жиҳатдан ўзимни аъло даражада ҳис қиляпман. Саудия Арабистонида яхши тайёргарлик кўрдим. У ерда даража паст деган фикрга қўшилмайман. Бундай эмас. Канселу ва Кантенинг ўйинларига эътибор қаратинг. У ердан Европага бемалол қайтиш мумкин”, — дея Теонинг сўзларини келтиради Испаниянинг Diario AS нашри.
Франциялик футболчи бундан кейин ҳам Саудия Арабистони чемпионатида қолиш ниятида.
