“Манчестер Сити” ярим ҳимоячиси Родри ўзининг собиқ жамоадоши Бернарду Силванинг тез орада Мадриднинг “Реал” клубига ўтиши борасида ўз фикрлари билан ўртоқлашди. 31 ёшли португалиялик футболчи “қаймоқранглилар” билан келишувга эришган.

“Сўзсиз, Бернарду ҳар қандай клубда ўйнаб кета оладиган даражадаги футболчи. У ҳали ҳам аъло даражадаги спорт формасида, жисмоний ҳолати идеал ва буюк ишларни амалга оширишга тайёр”, — дея Родрининг El Larguero нашрига берган интервьюсидан иқтибос келтиради.

Силва тўққиз йил давомида “Манчестер Сити” шарафини ҳимоя қилди. Якунланган мавсумда ярим ҳимоячи “шаҳарликлар” сардори вазифасини бажарди.