ЖАР терма жамоаси бош мураббийи Уго Брос ЖЧ-2026 очилиш ўйинида Мексикадан қабул қилинган мағлубият (0:2) ҳақида фикр билдирди.
“Биринчи қизил карточка бўйича, ўйлайманки, ҳеч нарса дейиш шарт эмас. Аммо иккинчисига келсак… Менга мексикалик футболчи шунчаки менинг футболчимни тўсиб қолгандек туюлди — бунақаси бўлиб туради. Ҳакам бошқача қарор қабул қилди, шу сабабли ўйинни тўққиз киши бўлиб якунлашга мажбур бўлганимиз бироз аламли бўлди.
Ҳисоблайманки, жамоам яхши ўйин ўтказди. Айрим вазиятларда Мексика ҳатто умидсиз ҳолатда кўринди, улар бўш ҳудудларни қандай топишни билишмади, шунинг учун умумий олиб қараганда ҳаммаси яхши эди. Кейинги ўйингача устида ишлашимиз керак бўлган ягона жиҳат — тўп билан муомала қилиш. Бугун ушбу компонентда унчалик яхши бўла олмадик”, — деди Брос.
