“Лацио” президенти Клаудио Лотито клубни сотиши ҳақидаги тахминларни рад этди.

Функционер клубнинг бундан олдин эълон қилинган расмий баёнотини тасдиқлади. Унда ҳар қандай эҳтимолий келишув бўйича музокаралар олиб борилаётгани қатъиян инкор этилган эди.

Мухлисларнинг норозилиги ҳамда ультраслар томонидан мавсумий абонементлар ва уй учрашувларига бойкот эълон қилингани ҳақида

“Бундан қўрқаманми? Йўқ. Чунки мен моддий манфаатларни кўзлаб иш тутмайман. Мен учун “Лацио” — бу ҳис-туйғу ва мен инсонларда ҳис-туйғу уйғотишни хоҳлайман. Улар стадионга келишни исташмаяптими? Бу уларнинг ҳуқуқи. Мен моддий манфаатлардан ташқари, масъулият билан меҳнат қиляпман".

У “мухлисларни орзу қилиш ҳуқуқидан маҳрум қилгани” ҳақида

“Мен ҳам орзу қилишни хоҳлайман, лекин нафақат бугунги кун, балки келажак ҳақида орзу қилишни истайман. Мен вазиятни борлиғича, қилган ишларимни бўрттирмасдан тушунтириш учун очиқ хат ёздим. Мен футбол учун қилган ишлар тарихда илгари ҳеч қачон қилинмаган. Мен “Салернитана”ни 5-дивизиондан А Серияга олиб чиқдим”, — деди Лотито.