“Lasio” prezidenti Klaudio Lotito klubni sotishi haqidagi taxminlarni rad etdi.
Funksioner klubning bundan oldin e’lon qilingan rasmiy bayonotini tasdiqladi. Unda har qanday ehtimoliy kelishuv bo‘yicha muzokaralar olib borilayotgani qat’iyan inkor etilgan edi.
Muxlislarning noroziligi hamda ultraslar tomonidan mavsumiy abonementlar va uy uchrashuvlariga boykot e’lon qilingani haqida
“Bundan qo‘rqamanmi? Yo‘q. Chunki men moddiy manfaatlarni ko‘zlab ish tutmayman. Men uchun “Lasio” — bu his-tuyg‘u va men insonlarda his-tuyg‘u uyg‘otishni xohlayman. Ular stadionga kelishni istashmayaptimi? Bu ularning huquqi. Men moddiy manfaatlardan tashqari, mas’uliyat bilan mehnat qilyapman".
U “muxlislarni orzu qilish huquqidan mahrum qilgani” haqida
“Men ham orzu qilishni xohlayman, lekin nafaqat bugungi kun, balki kelajak haqida orzu qilishni istayman. Men vaziyatni borlig‘icha, qilgan ishlarimni bo‘rttirmasdan tushuntirish uchun ochiq xat yozdim. Men futbol uchun qilgan ishlar tarixda ilgari hech qachon qilinmagan. Men “Salernitana”ni 5-diviziondan A Seriyaga olib chiqdim”, — dedi Lotito.
