“Ал-Ҳилол” ҳужумчиси Дарвин Нуньес трансфер бозорида “Барселона” учун вариантлардан бири бўлиб турибди. “Кўк-анорранглилар”нинг асосий мақсади ҳамон Мадриднинг “Атлетико” клубидан Хулиан Альварес бўлиб қолмоқда, бироқ “матрасчилар” музокаралар олиб боришни қатъиян истамаётгани сабабли аргентиналик футболчини қўлга киритиш жуда қийин бўлади.

Mundo Deportivo нашрининг хабарига кўра, Нуньес “Барселона” учун Альваресга нисбатан арзонроқ муқобил вариантга айланиши мумкин. Уругвайлик футболчига “Ал-Ҳилол”да умид билдирилмаяпти, шу сабабли уни катта эҳтимол билан текинга қўйиб юборишади.

Дарвин Нуньес ўтган йилнинг ёзида “Ливерпуль”дан Саудия Арабистонига кўчиб ўтган эди. 24 июнь куни ҳужумчи 27 ёшни қаршилайди.