Швеция терма жамоаси ҳужумчиси Виктор Дьёкереш миллий терма жамоага мураббий Грэм Поттер келганидан кейинги ўзгаришлар ҳақида гапирди. Инглиз мутахассиси 2025 йилда Швеция терма жамоаси бошқарувини қўлга олган эди.
“Ўйлайманки, у жамоага жуда кўп ижобий энергия олиб кирди. Майдонда ҳам, ундан ташқарида ҳам жамоа ва жамоавий бирдамлик ўртасидаги бу боғлиқликнинг аҳамиятини ортиқча баҳолаб бўлмайди. У биздан ишлаб чиққан режамизга ва қандай футбол ўйнамоқчи эканлигимизга амал қилишни, Швеция терма жамоасида ўйнашдан завқланишни ҳамда бу биз учун — футболчилар ва бутун мамлакат учун қанчалик муҳимлигини тушуниб етишимизни сўрайди”, — дея Дьёкерешнинг сўзларини келтиради ФИФА расмий сайти.
