Англия терма жамоаси ва «Манчестер Юнайтед»нинг собиқ ҳужумчиси Уэйн Руни ярим ҳимоячи Скотт Мактоминайни яна «қизил иблислар» сафида кўришни исташини маълум қилди.

«МЮ» Мактоминайни қўйиб юборганига ишона олмагандим. Унинг қанчалик қаттиқ меҳнат қилгани яққол кўриниб турарди. Скотт ҳар бир ўйинда майдонга тушишга тайёр эди. У жамоага ҳақиқатан ҳам катта фойда келтирарди. Унинг ортга қайтаришларини жуда ҳам хоҳлардим», — дея афсонавий форварднинг сўзларини келтиради Metro нашри.

Эслатиб ўтамиз, манкунианликлар шотландиялик футболчини «Наполи»га 30 миллион евро эвазига сотиб юборишган эди. А Сериянинг ўтган мавсумида 29 ёшли ярим ҳимоячи 33 та учрашувда майдонга тушиб, 10 та гол урди ва 3 та голли узатмани амалга оширди.