Бугун, 12 июнь куни футбол бўйича 2026 йилги жаҳон чемпионати “B” гуруҳи 1-туридан ўрин олган Канада ва Босния ва Герцеговина терма жамоалари ўртасидаги учрашув бўлиб ўтади.
Ўйин Торонто шаҳридаги «Би-Эм-О Филд» стадионида ташкил этилади. Учрашувни аргентиналик ҳакам Факундо Тельо бошқаради. Бошланиш вақти — Тошкент вақти билан 00:00.
ЖЧ–2026. Якуний босқич. "B" гуруҳи, 1-тур
Канада — Босния ва Герцеговина
Канада: Крепо, Ларьи, Джонстон, Корнелиус, Де Фужероль, Эуштакиу, Коне, Бьюкенен, Миллар, Дэвид, Олувасейи.
Босния ва Герцеговина: Василь, Дедич, Катич, Мухаремович, Колашинац, Тахирович, Башич, Мемич, Байрактаревич, Демирович, Лукич.
Гуруҳ босқичининг 2-турида Канада 19 июнь куни Қатарга қарши майдонга тушади, 3-турда эса 24 июнь куни Швейцария билан ўйнайди. Босния ва Герцеговина эса 18 июнь куни Швейцарияга қарши, 24 июнь куни Қатарга қарши баҳс олиб боради.
Маълумот учун, 2026 йилги жаҳон чемпионати АҚШ, Канада ва Мексика мезбонлигида 11 июндан 19 июлга қадар ўтказилади. Амалдаги жаҳон чемпиони Аргентина ҳисобланади.













