Англия терма жамоасининг собиқ ҳужумчиси Уэйн Руни 2026 йилги жаҳон чемпионати гуруҳ босқичида Канада ва Босния ва Герцеговина ўртасида бўлиб ўтган учрашувда (1:1) бош ҳакам Факундо Тельо боснияликлар дарвозабони Никола Василни майдондан четлатиши керак бўлганини таъкидлади.
Баҳсли вазият учрашувнинг 49-дақиқасида содир бўлди. Дарвозабон Тани Олувасейи билан тўқнашув пайтида канадалик ҳужумчининг бош қисмига мушти билан зарба берган.
«Бу қизил карточка. Офсайд ҳақида унутинг. Биз бундай ҳолатларда футболчилар тўпга тегганидан кейин, ҳатто ҳакам ҳуштак чалган бўлса ҳам, рақибига зарба бериб қўйгани учун қизил карточка олганини кўп бор кўрганмиз.
Менимча, бу жуда хавфли ўйин. У биринчи бўлиб тўпга етиб борганини биламан, аммо у рақибнинг чакка қисмига зарба берди. Бу инсон танасида зарба бериш мумкин бўлган энг хавфли жойлардан бири», — деди Руни. Унинг сўзларини BBC келтирмоқда.













