“Челси” ва Испания терма жамоасининг чап қанот ҳимоячиси Марк Кукурелья Мадриднинг “Атлетико” клуби қизиқишлар доирасида қолмоқда. “Матрасчилар” анчадан бери 27 ёшли футболчига асосий даъвогарлардан бири ҳисобланади. Миш-мишларга кўра, “Челси” билан еврокубоклардан қуруқ қолган футболчининг ўзи ҳам ватанига қайташни истамоқда.

Журналист Бен Жейкобснинг берган маълумотларига кўра, “Атлетико” аллақачон “кўклар” билан футболчининг трансфери бўйича музокараларни режалаштириб қўйган.

Марк Кукурельяга “Барселона” томонидан ҳам қизиқиш мавжуд. Яқинда берган интервьюсида испаниялик футболчи “Атлетико” ёки “Барса” лагерига ўтиши мумкинлиги ҳақидаги саволдан қочиб, аниқ жавоб бермаган эди. Ҳимоячининг “Челси” билан амалдаги шартномаси 2029 йилгача мўлжалланган.