“Арсенал” ва Франция терма жамоаси марказий ҳимоячиси Вильям Салиба жароҳатидан сўнг ҳали ҳам оптимал спорт формасига кира олгани йўқ. 25 ёшли футболчи пайшанба ва жума кунлари “уч ранглилар”нинг машғулотларида қатнашмади, деб хабар бермоқда L'Equipe нашри.

“Канонирлар” вакили Франция миллий терма жамоаси Бостонга етиб келган пайтдан бери ҳали бирорта ҳам машғулотни умумий гуруҳда ўтказмади.

Франция терма жамоаси яқин кунларда Сенегал вакилларига қарши баҳс олиб боради, кейинроқ эса Ироқ ва Норвегия билан куч синашади. Маълумот учун, Салиба 8 июнь куни Шимолий Ирландияга қарши ўтказилган сўнгги ўртоқлик учрашувида майдонда 45 дақиқа ҳаракат қилган эди.