Англиянинг “Ноттингем Форест” клуби “Интер” ярим ҳимоячиси Давиде Фраттезига бўлган қизиқишини сақлаб турибди ва футболчи бўйича таклиф тайёрламоқда. Бу ҳақда журналист Жанлука ди Марционинг сайти хабар бермоқда.

Манбанинг маълум қилишича, “ўрмончилар” ушбу трансфер учун бонуслардан ташқари 25 миллион евро тўлашга тайёр. Италия клуби эса ўз навбатида футболчини тахминан 30 миллион еврога баҳоламоқда ва молиявий талабларини камайтириш ниятида эмас.

Инглиз клубининг Фраттезига бўлган қизиқиши барқарор бўлиб турибди: бундан аввалроқ “Ноттингем” вакиллари Миланда “Интер” спорт директори Пьеро Аузилио, шунингдек, футболчининг агенти билан учрашув ўтказишган эди. Музокаралар давом этмоқда, бироқ эҳтимолий трансфер бўйича якуний қарор ҳали қабул қилинмаган.