«Арсенал»нинг италиялик ҳимоячиси Риккардо Калафьори Мадриднинг «Реал» клуби эътиборига тушди. Испанияликлар эҳтимолий трансфер бўйича дастлабки музокараларни бошлашди.
Teamtalk хабарига кўра, «канонирлар» қироллик клубининг италиялик футболчига бўлган қизиқишига муносабат билдирди. Англия чемпиони раҳбарияти Риккардо билан хайрлашишни истамаяпти.
«Арсенал» бу ёзда Калафьорини сотиш бўйича музокаралар олиб бориш ниятида эмас. 24 ёшли қанот ҳимоячиси Лондон топ-клуби сафига 2024 йилнинг ёзида келиб қўшилган эди. Томонлар ўртасидаги амалдаги меҳнат шартномаси 2029 йил июнь ойи охирида якунига етади. Футболчининг бозор қиймати 55 миллион еврога баҳоланмоқда.
