«Хоффенхайм» вингери Базумана Туре ёзги трансферлар ойнасида «Ливерпуль»га ўтиши мумкин, деб ёзади TeamTalk.

Таъкидланишича, «Ливерпуль» ўтган мавсумни Бундеслигада жуда сермаҳсул ўтказган 20 ёшли футболчи учун курашда «Манчестер Юнайтед»дан олдинда бормоқда. Унинг ҳисобида 5 та гол ва 12 та голли узатма мавжуд.

Кот-д’Ивуар терма жамоаси сафида аллақачон олтита ўйин ўтказган вингер «Ливерпуль» учун узоқ муддатли вариант сифатида кўрилмоқда, бироқ «Манчестер Юнайтед» ҳам ҳамон футболчига даъвогарлик қилмоқда.

«Хоффенхайм» Туре учун 43,1 миллион фунт стерлинг олмоқчи. Футболчига, шунингдек, «Астон Вилла», «Ньюкасл», «Брайтон», «Брентфорд» ва «Арсенал» клублари ҳам қизиқиш билдирмоқда.