Франция терма жамоаси ҳужумчиси ва сардори Килиан Мбаппе миллий жамоа вингери Майкл Олисе ҳақида ўз фикрлари билан ўртоқлашди.

«Унда нафосат ва ўйинни кўра билиш қобилияти бор. Мен у билан жуда яхши чиқишаман.

Бундан буён биз фақат француз тилида мулоқот қиламиз. У бу тилни яхши билади. Унинг феъли шундайки, сизлар — ОАВ вакиллари — унинг француз тили яхшиланганми ёки йўқми, ҳеч қачон билиб ололмайсизлар, чунки у сизлар билан жуда кам гаплашади (Олисе Буюк Британияда туғилиб, ўша ерда вояга етган).

Бу унга ёқмайди. Майкл — интроверт инсон. У камгап, аммо унинг ўрнига майдонда оёқлари гапиради. Уни қандай бўлса, шундайлигича қабул қилинг. Майкл ҳеч қачон ўзгармайди. Олисе нафақат ажойиб футболчи, балки жуда яхши инсон ҳам», — деди Мбаппе.

Мбаппенинг сўзларини L'Équipe нашри келтирмоқда.