АҚШ миллий жамоаси форварди Рикардо Пепи Жаҳон чемпионати — 2026 гуруҳ босқичи биринчи турида Парагвай терма жамоаси устидан қозонилган ишончли ғалабадан кейин ўз муносабатини билдирди. Маурисио Почеттино шогирдлари мазкур баҳсда 4:1 ҳисобида зафар қучишди.
«Ушбу натижа бизни қулай вазиятга чиқарди. Жамоамизда футболчилар ўртасидаги ички муҳит жуда яхши йўлга қўйилган. Биз навбатдаги учрашувга тайёрмиз ва унга аъло кайфиятда яқинлашмоқдамиз», — дея ҳужумчининг сўзларини келтиради ФИФА матбуот хизмати.
«D» квартетининг иккинчи учрашувида Туркия ва Австралия миллий терма жамоалари ўзаро тўқнашадилар. Ушбу баҳс эртага, 14 июнь куни Тошкент вақти билан соат 09:00 да бошланади.
