«ПСЖ» бош мураббийи Луис Энрике жамоанинг қанот ҳужумчиси Брэдли Барколани таркибда сақлаб қолмоқчи. Бу ҳақда L’Equipe нашри хабар бермоқда.
Манбанинг маълум қилишича, яқин вақт ичида мураббий ва футболчи ўртасида суҳбат ўтказилиши режалаштирилган бўлиб, унда французнинг майдондаги дақиқалари (ўйин вақти) муҳокама қилинади. Барколя вазиятга ойдинлик киритилишини истамоқда, бироқ клуб билан низога бориш ниятида эмас.
Ҳозирги вақтда вингернинг «ПСЖ»дан кетиши, Европа грандлари томонидан бўлаётган жиддий қизиқишларга қарамай, эҳтимолдан йироқ деб ҳисобланмоқда. Таъкидланишича, футболчини нафақат Луис Энрике, балки клуб спорт директори Луиш Кампуш ҳамда президент Носир Ал-Хелаифий ҳам юқори баҳолайди.
2025/26 йилги мавсумда Баркола барча мусобақаларда жами 49 та учрашувда майдонга тушиб, 13 та гол урди ва ўз ҳисобига еттита голли узатмани ёздириб қўйди.
