«Манчестер Юнайтед»нинг собиқ бош мураббийи Рубен Аморим Италиянинг «Милан» клуби билан шартнома имзолашга яқин турибди. Бу ҳақда таниқли инсайдер Николо Скира хабар берди.
Манбага кўра, томонлар келишувнинг барча шартларини тўлиқ мувофиқлаштириб олишган. Шартнома 2029 йилга қадар мўлжалланган бўлиб, унга кўра мутахассис йилига 4 миллион евро маош олади. Айни дамда расмий тасдиқ кутилмоқда.
Эслатиб ўтамиз, «Милан» 2025/26 йилги мавсум якунида А Сериянинг сўнгги турида «Кальяри»дан кутилмаганда қабул қилиб олинган мағлубият (1:2) туфайли Чемпионлар лигаси йўлланмасидан мосуво бўлди. Шундан сўнг Массимилиано Аллегри истеъфога чиқарилган эди.
