«Ливерпуль» вингери Федерико Кьеза фаолиятини яна Италияда давом эттириши мумкин. Инсайдер Николо Скиранинг хабар беришича, футболчи «Ювентус»га қайтишни орзу қилмоқда. Ушбу трансфер амалга ошиши учун Кьеза маошини деярли 50 фоизга камайтиришга рози. Ҳозирда унинг йиллик маоши 7 миллион еврони ташкил этади.
«Ливерпуль» Кьезани 10 миллион евро эвазига сотишга тайёр, бироқ ҳозирча футболчи «Ювентус»нинг трансфер мақсадлари рўйхатида биринчи ўринда эмас.
Эслатиб ўтамиз, Федерико Кьеза 2020 йилдан 2024 йилгача «Ювентус» сафида тўп тепган. У туринликлар таркибида жами 131 та ўйинда майдонга тушиб, 32 та гол урган ва 24 та голли узатмани амалга оширган.
