Бразилия терма жамоаси афсонаси Ромарио миллий терма жамоанинг жаҳон чемпионати гуруҳ босқичи доирасида Марокашга қарши ўйинда қайд этган дуранг натижаси (1:1) ҳақида фикр билдирди.
«Биз имкониятлар яратдик, аммо уларнинг кўпидан фойдалана олмадик. Ҳозир бизда дарвоза олдида ҳақиқий «қотил» (тўпурар) йўқ. Вазиятлар кўп, аммо голлар кам. Мен ҳар куни Игор Тьяго ўрнига Жоао Педрони танлаган бўлардим. Ҳужумчининг иши жуда оддий: битта имконият, битта гол. Бизда бу етишмади», — деди Ромарио.
Эслатиб ўтамиз, Марокашга қарши ўйинда бразилияликлар биринчи бўлиб гол ўтказиб юборишди, кейинчалик Винисиус Жуниор ҳисобни тенглаштирди. ЖЧ-2026 иккинчи турида Бразилия терма жамоаси Гаити терма жамоасига қарши майдонга тушади.
