ЖЧ-2026 ўйинларига тайёргарлик кўраётган «Ливерпуль» ҳимоячиси Виржил ван Дейк миллий терма жамоадаги фаолиятини якунлаши мумкин. Бу ҳақда soccernet.nl портали Algemeen Dagblad нашрига таяниб хабар бермоқда. Унинг сўзларига кўра, терма жамоадаги фаолиятини тугатиш ҳақидаги фикрлар Евро-2024дан кейиноқ пайдо бўлган.
«Олдинги Европа чемпионатидан кейин давом этиш-этмаслик борасида ҳақиқатдан ҳам иккиланган эдим. Ўшанда жамоа атрофидаги салбий ҳолатлардан жуда чарчаган эдим. Шунчаки ҳаммага бақиравериш ярамайди — бир-бирини ижобий рағбатлантириш ва жамоадаги ҳар бир инсоннинг ролини муҳим деб билиш керак», — деди Нидерландия терма жамоаси сардори интервьюсида.
Ван Дейк ҳар қандай ҳолатда ҳам клуб даражасида ўйнашда давом этишни режалаштирмоқда. Бироқ келаси ёзда унинг «Ливерпул»да қолиш-қолмаслиги номаълум. Жамоанинг янги бош мураббийи Андони Ираола бошқа сардор тайинламоқчи, футболчининг ўзи эса Туркиянинг «Галатасарой» клубига ўтиши мумкинлиги ҳақида фаол миш-мишлар тарқалмоқда.
