Ҳимоячи Педро Порро «Тоттенхэм»да ўйнашда давом этади. Журналист Фабрицио Романонинг хабар беришича, Лондон клуби футболчи билан янги шартнома шартларини тўлиқ келишиб олган.
Томонлар 2031 йилнинг июнь ойигача амал қиладиган битимга имзо чекишди. Бундан ташқари, шартномага уни яна бир мавсумга — 2032 йилнинг ёзигача узайтириш банди ҳам киритилган.
Манбанинг берган маълумотларига кўра, янги шартнома билан бирга испаниялик футболчининг маоши ҳам оширилади. Шу билан бирга, бошқа клублар, жумладан «Манчестер Сити» томонидан бўлган қизиқиш вазиятга таъсир кўрсатмаган. Қайд этилишича, «Тоттенхэм» ҳеч қачон футболчини сотиш вариантини кўриб чиқмаган ва уни дахлсиз деб ҳисоблайди.
Порро Лондон жамоаси шарафини 2023 йилдан буён ҳимоя қилиб келмоқда.
