«Бавария» вингер Майкл Олисенинг келажаги атрофидаги миш-мишларга чек қўймоқчи, шу сабабли унинг шартномасини маошини деярли икки баравар оширган ҳолда 2031 йилгача узайтириш ниятида. Бу ҳақда Х ижтимоий тармоғидаги Bayern & Germany аккаунти L'Équipe нашрига таяниб хабар бермоқда.

Манбанинг вазиятга яқин инсонларга таяниб берган маълумотига кўра, агар янги меҳнат битими имзоланса, 24 ёшли футболчи клубнинг энг кўп маош олувчи ўйинчиларидан бирига айланади. Олисенинг амалдаги шартномаси 2029 йилга қадар мўлжалланган.

ОАВ хабарларига кўра, айни пайтда франциялик футболчи йилига 16-17 миллион евро маош олмоқда. Ортда қолган мавсумда ҳужумчи барча турнирларда 52 та ўйинда майдонга тушиб, 22 та гол урди ва 31 та голли узатмани амалга оширди. Transfermarkt порталида берилган маълумотларга кўра, футболчининг трансфер қиймати 150 миллион еврони ташкил этади.