Кот-д'Ивуар терма жамоаси ҳужумчиси Ян Диоманде 2026 йилги Жаҳон чемпионати финал босқичи гуруҳ босқичи 1-туридан ўрин олган Эквадорга қарши ўйиндаги ғалаба (1:0) ҳақида фикр билдирди.

«Биз қаттиқ курашдик, муваффақиятга эришдик ва бундан барчамиз жуда хурсандмиз. Ўз мамлакатинг шарафини ҳимоя қилиш доимо ёқимли. Бу жуда машаққатли ва ҳаяжонли, чунки биз қарийб 33 миллион аҳоли номидан майдонга тушмоқдамиз. Биз оилаларимиз, дўстларимиз, яқинларимиз учун ўйнаймиз ва бундай йирик турнирда барчамиз бор кучимизни ишга солишни истаймиз. Ҳар бир учрашувда ғалаба қозонишни хоҳлаймиз. Мақсадимиз — тарихда ўз изимизни қолдириш ва барчамиз биргаликда шунга интиляпмиз», — дея 19 ёшли форварднинг сўзларини келтиради Халқаро футбол федерацияси (ФИФА) расмий сайти.

Диоманде ушбу учрашувнинг энг яхши футболчиси деб топилди.