Жаҳон чемпионати – 2026 гуруҳ босқичининг 1-туридан ўрин олган баҳсда Швеция терма жамоаси Тунис миллий жамоасига қарши майдонга тушди. Скандинавияликлар африкаликларни қийинчиликсиз мағлуб этиб, 5:1 ҳисобида йирик ғалабани қўлга киритишди.
Ижтимоий тармоқлардаги Stats Foot саҳифаси тақдим этган маълумотларга кўра, шведлар Жаҳон чемпионатлари тарихида 1938 йилдан бери илк бор битта ўйинда бешта гол уришга муваффақ бўлишди. Ўшанда скандинавияликлар Куба терма жамоаси дарвозасига жавобсиз 7 та гол йўллашган эди.
Грэм Поттер шогирдлари ушбу муваффақиятдан сўнг 3 очко жамғариб, ўз гуруҳларида пешқадамликни қўлга олишди. Швеция терма жамоаси навбатдаги турни Япония билан дуранг (2:2) ўйнаган Нидерландия терма жамоасига қарши ўтказади.
