Швеция терма жамоаси ярим ҳимоячиси Маттиас Сванберг 2026 йилги Жаҳон чемпионати гуруҳ босқичидан ўрин олган Тунисга қарши учрашувда захирадан майдонга тушганидан сўнг, атиги 17 сония ўтиб рақиб дарвозасини ишғол қилди.

Ўша вазиятда шведлар фойдасига ҳисоб 4:1 кўринишини олган эди. Кейинчалик африкаликлар дарвозасига яна бир гол киритилди.

Сванбергнинг ушбу голи Жаҳон чемпионатлари тарихида захирадан тушган футболчилар ичида энг тезкори бўла олмади. Бу борадаги рекорд уругвайлик Ричард Моралесга тегишли бўлиб, у 2002 йилги мундиалда Сванбергга қараганда бир сонияроқ тезроқ (16 сонияда) гол уришга муваффақ бўлган эди.

Учрашувнинг якуний натижаси — 5:1 ҳисобида Швеция ғалаба қозонди ва 1-турдан сўнг «F» гуруҳида пешқадамликни қўлга киритди. Ушбу квартетнинг иккинчи ўйинида Нидерландия ва Япония терма жамоалари ўзаро очко бўлишиб олишди (2:2).