Франция терма жамоаси ҳужумчиси Килиан Мбаппе 2022 йилги мундиалнинг финал учрашувида Аргентинадан учралган мағлубиятдан сўнг нима учун кўзёш тўкмаганини тушунтириб берди.
«Кўпчилик мени йиғлашни билмайди деб ўйлайди. Мендан бой берилган финалдан кейин нега йиғламаганим ҳақида тез-тез сўрашади. Ўша вазиятда буни умуман хоҳламагандим. Мен нокаут ҳолатида эдим, мени худди реалликдан узиб қўйишгандек эди. Агар ўшанда ҳақиқатан ҳам йиғлагим келганида, туйғуларимни жиловлаб ўтирмасдим», — дея футболчининг сўзларини Le Parisien нашри келтирмоқда.
Жаҳон чемпионати – 2026 гуруҳ босқичининг стартланувчи учрашувида Франция терма жамоаси Сенегал терма жамоасига қарши майдонга тушади. Ушбу баҳс сешанба куни, 16 июнь санасида бўлиб ўтади.
