«Бавария» ПСВ ярим ҳимоячиси Исмаэль Сайбари билан шартнома имзолашга яқин турибди.
Клублар ўртасида трансфер шартлари бўйича келишувга эришилди. Бонуслар билан биргаликда 55 млн евро, дея хабар бермоқда Bild нашрига таяниб Bayern & Germany. Мюнхенликлар ҳали футболчи билан меҳнат шартномасининг айрим бандларини ҳал қилишлари керак, шундан сўнг у тиббий кўрикдан ўтади ва шартномага имзо чекади.
Transfermarkt портали экспертлари Исмаэль Сайбарининг трансфер қийматини 40 млн еврога баҳоламоқда. Якунланган мавсумда 25 ёшли футболчи ПСВ сафида 37 та ўйинда майдонга тушиб, 19 та гол ва 9 та голли узатмага муаллифлик қилди.
Айнан Сайбари Жаҳон чемпионати гуруҳ босқичининг биринчи туридан ўрин олган яқиндагина бўлиб ўтган баҳсда (1:1) Марокаш терма жамоасининг Бразилия дарвозасига киритган голига муаллифлик қилган эди.
