Италиянинг «Рома» клуби бошқа Европа грандлари томонидан бўлаётган жиддий қизиқишларга қарамай, ярим ҳимоячи Ману Конени жамоада сақлаб қолмоқчи. Бу ҳақда инсайдер Николо Скира хабар бермоқда.

Аввалроқ, Лондоннинг «Арсенал» клуби «Рома»дан 25 ёшли футболчи бўйича маълумот сўрагани ҳақида хабарлар тарқалган эди.

Бироқ, манбанинг таъкидлашича, Конега нафақат «Арсенал», балки Миланнинг «Интер» клуби ҳам қизиқиш билдирмоқда. Шунга қарамай, римликлар жорий ёзги трансфер ойнасида футболчини қўйиб юбориш иштиёқида эмаслар.

Якунланган мавсумда Коне барча мусобақаларда жами 37 та учрашувда майдонга тушиб, ўз ҳисобига 2 та гол ва 3 та голли узатмани ёздириб қўйди.