Норвегия терма жамоаси ҳужумчиси Эрлинг Холанд ЖЧ-2026 даги рақиблар ҳақидаги фикрларини билдирди.
Норвегия жамоаси Ироқ, Франция ва Сенегал терма жамоалари билан бир гуруҳдан жой олган.
«Бизнинг гуруҳимиз қийин. Менимча, ушбу жаҳон чемпионатидаги ҳар бир жамоанинг ўзига яраша ўзига хослиги бор ва гуруҳдан чиқиш учун жуда яхши ўйин кўрсатиш керак. Бу осон бўлмайди.
Турнирдаги ҳар бир учрашув мураккаб кечади.
Қолаверса, ҳар бир жаҳон чемпионатида шундай жамоалар бўладики, улардан у ёки бу нарсани кутмайсиз, кейин эса тўсатдан улар ақл бовар қилмайдиган ишларни амалга оширишади. Худди 2022 йилда Саудия Арабистонининг Аргентинага қарши ўйинида (2:1) бўлгани каби.
Улар Аргентинани мағлуб этишганди, аммо кейинчалик Аргентина жаҳон чемпионатида ғолиб чиқди. Жаҳон чемпионати айнан мана шу жиҳати билан ҳам ўзига хосдир», – деди Холанд.
