Собиқ Англия терма жамоаси бош мураббийи Гарет Саутгейт ЖЧ ўйинларини шарҳлашдан бош тортганини маълум қилди. Унинг фикрича, бу собиқ шогирдларига зарар етказиши мумкин эди.
«Жаҳон чемпионати мен учун ҳамиша алоҳида турнир бўлиб келган ва Англия терма жамоасининг илк ўйини олдидан мурожаат қилмоқчиман. Бу сафар мен Жаҳон кубогида ҳеч қандай мақомда – на мураббий, на футболчи ва на шарҳловчи сифатида иштирок этмаяпман. Менда таклифлар бор эди, аммо Англия терма жамоасига бирон-бир тарзда зарар етказиб қўймаслик учун уларнинг ўйинларини шарҳлашни рад этдим. Шунга қарамай, мен терма жамоанинг мухлиси бўлиб қоламан», — дея Саутгейтнинг сўзларини келтиради derbyderbyderby.it.
Эслатиб ўтамиз, Англия терма жамоаси Жаҳон чемпионатидаги илк ўйинини чоршанба куни Хорватияга қарши ўтказади.
