Собиқ аргентиналик футболчи Эзекьель Лавесси ўз фаолиятидаги олтинчи жаҳон чемпионатида иштирок этаётган Лионель Месси ҳақида фикр билдирди. Ўтмишда «Наполи» ва «ПСЖ» каби клубларда тўп тепган Лавессининг ҳисоблашича, аргентиналик футболчи ғалабага бўлган тўймас иштиёқни ҳис қилмоқда.

«Менимча, у ўзи иштирок этадиган ҳамма нарсада ғалаба қозонишни истайди. У шундай характер эгаси, айнан шунинг учун ҳам унда шунчалик кўп «Олтин тўп» бор ва уни бежиз тарихдаги энг яхши футболчи деб ҳисоблашмайди — бу тенгсиз барқарорлик ва ғалабага бўлган кучли эҳтиросдир», — дея Лавессининг сўзларини келтиради derbyderbyderby.it.

Эслатиб ўтамиз, жаҳон чемпионати Америка Қўшма Штатлари, Мексика ва Канада майдонларида бўлиб ўтмоқда.