Португалиялик мутахассис Рубен Аморимни бугун «россонери» билан шартнома имзолаш ва ҳамкорлик бошланганини расман эълон қилиш учун Миланда кутишмоқда.

Томонлар келишувга эришишди, Фабрицио Романо эса маош миқдори ҳақидаги рақамларни ҳам маълум қилди. Нуфузли журналистнинг сўзларига кўра, Аморим «Милан»да уч йил ичида ўн миллион евродан сал кўпроқ маблағ ишлаб топади — ҳар бир мавсум учун 3,5 миллион евродан.

Эслатиб ўтамиз, аввалроқ Аморим Англиянинг «Манчестер Юнайтед» клубини бошқарган, бироқ жорий йилнинг бошида ушбу клуб билан хайрлашган эди. У кетганидан сўнг «қизил иблислар» ўйинида кескин ўсиш кузатилди ва улар АПЛ турнир жадвалининг якуний таснифида учинчи ўринга кўтарилиб олишди.