Миср терма жамоаси бош мураббийи Ҳоссам Ҳассан жаҳон чемпионати гуруҳ босқичининг 1-турида Бельгия билан қайд этилган дуранг натижадан (1:1) сўнг жамоасининг ўсишини юқори баҳолади.
Мисрликлар 19-дақиқада Имам Ашурнинг саъй-ҳаракатлари билан ҳисобни очишган эди, бироқ Муҳаммад Ҳанининг автоголи бельгияликларга ҳисобни тенглаштириш имконини берди.
«Бугун ғалаба қозона олмаган бўлсак-да, футболчиларим билан фахрланаман. Ўйинчилар мен охирги 2 йил давомида устида ишлаётган тактик ғояларни майдонда амалга оширашаётганидан хурсандман. Мен уларга доим бошқача футбол ўйнашимиз кераклигини ва исталган жамоага қарши баҳс олиб бора олишимизни айтиб келганман», — дея мураббийнинг сўзларини келтиради Ahram портали.
Миср терма жамоаси навбатдаги учрашувни гуруҳ босқичининг 2-тури доирасида 22 июнь куни Янги Зеландияга қарши ўтказади.
